-నామినల్ కరెక్షన్ కు దరఖాస్తు చేసుకోవాలి
వరంగల్ సాక్షి శ్రీ, జిల్లాలోని ఇంటర్ విద్యార్థుల పూర్తి వివరాలను “ఆన్ లైన్ చెక్ లిస్టు” లతో సరి చూసుకోవాలని జిల్లా మాధ్యమిక విద్యాధికారి డా. శ్రీధర్ సుమన్ గారు ఒక ప్రకటనలో తెలిపారు. ఇంటర్ బోర్డు వెబ్ సైట్ లో ప్రథమ, ద్వితీయ సం. విద్యార్థులు తమ వివరాలను సరి చూసుకునే సౌకర్యం కల్పించారని విద్యార్థులు https://tgbie.cgg.gov.in/svc.do లింకు ద్వారా నేరుగా తమ వివరాలు పరిశీలించుకోవచ్చని అన్నారు. ప్రథమ సంవత్సరం విద్యార్థులు ఎస్సెస్సీ హాల్ టికెట్ నంబరు,జన్మతేదీ నమోదు చేసి వివరాలు పొందవచ్చు. ద్వితీయ సం. విద్యార్థులు ప్రథమ సం. హాల్ టికెట్, జన్మతేదీ నమోదు చేసి వివరాలు పొందవచ్చు. విద్యార్థుల గ్రూపు, ద్వితీయ భాష, ఫోటో, సంతకం తదితర వివరాల్లో ఏవైనా తేడాలు ఉంటే ప్రిన్సిపాల్ దృష్టికి తీసుకెళ్లి నామినల్ రోల్ కరెక్షన్ కు దరఖాస్తు చేసుకోవాలని, విద్యార్థులు మరిన్ని వివరాలకు సంబంధిత కళాశాలల్లో సంప్రదించాలని సూచించారు.
